Malayalam actress jalaja biography of michael jackson
അവർക്ക് ഞാൻ മിസ്സിസ് നായരാണ്! ശോഭയുടെ മരണം വല്ലാത്ത ഷോക്കായിരുന്നു,അന്നെല്ലാം ഞങ്ങള്‍ ഒന്നിച്ചായിരുന്നു; ജലജ
Authored byഋതു നായർ | Samayam Malayalam | Updated: 21 Nov 2023, 10:53 am
Subscribe
സിനിമയിൽ വന്നു, ഇത്തരം കഥാപാത്രങ്ങൾ കിട്ടിയത് ഭാഗ്യമാണ്.
നമ്മുക്ക് ഇന്നത് എഴുതി വച്ചിട്ടുണ്ട് എങ്കിൽ ഉറപ്പായും നമ്മളിലേക്ക് അത് വന്നു ചേരും. അതുതന്നെയാണ് മകളോടും പറയാനുള്ളത്.
ആ ഒരു ടാഗ് തനിക്ക് പാര ഒന്നും ആയിട്ടില്ല, ദുഖത്തിന്റെ പാർട്ട് കുറച്ചു കൂടി എന്ന് മാത്രം. തകഴിയിൽ ആയിരുന്നു പഠനകാലം. നാടകത്തിലൂടെയാണ് അഭിനയരംഗത്തേക്ക് എത്തുന്നത്- ജലജ മാതൃഭൂമി ന്യൂസിന് നൽകിയ അഭിമുഖത്തിൽ പറയുന്നു.
പഠിക്കണം എന്നത് മാത്രമായിരുന്നു മനസ്സിൽ, ഒരിക്കലും അഭിനയത്തിലേക്ക് വരുമെന്ന പ്രതീക്ഷ ഒന്നും ഉണ്ടായിരുന്നില്ല.
നെടുമുടി വേണു ചേട്ടൻ വഴിയാണ് ആദ്യ സിനിമയിലേക്ക് എത്തിയതെന്നും ജലജ പറഞ്ഞു.
ജലജക്ക് ഒപ്പം അഭിമുഖത്തിൽ മകൾ ദേവിയും പങ്കെടുക്കാൻ എത്തുന്നുണ്ട്. സെലിബ്രിറ്റി കിഡ് എന്ന നിലയിൽ പരിഗണന കിട്ടിയിട്ടുണ്ടോ എന്ന ചോദ്യത്തോട് ദേവി പറഞ്ഞത് ഇങ്ങനെയാണ്.
ഞാൻ ജനിച്ചതും വളർന്നതും എല്ലാം ബഹറിനിൽ ആണ്. അതുകൊണ്ടുതന്നെ ഫുൾ ഹൈപ്പ് ആ സമയത്തൊന്നും മനസിലാക്കാൻ പറ്റിയില്ല.
വെളിയിൽ പോകുമ്പോൾ ഒക്കെ അമ്മയോട് ആളുകൾ സംസാരിക്കുമ്പോൾ അമ്മയോട് ഞാൻ ചോദിച്ചിട്ടും ഉണ്ട്. എന്താണ് ഇങ്ങനെ എന്ന്- ദേവി പറയുമ്പോൾ പിന്നീട് ആ സംഭാഷണം എത്തുന്നത് ജലജയിലേക്കാണ്.
ഞാൻ ഒരു നടി ആണെന്ന് മോൾക്ക് അറിയില്ല. കാരണം മോൾ ഒരു ബ്രിട്ടീഷ് സ്‌കൂളിൽ ആണ് പഠിച്ചത്. അവിടുത്തെ ടീച്ചേഴ്സിന് ഞാൻ മിസ്സിസ് നായർ ആണ്. ജലജ അല്ല. മിസ്സിസ് ആൻഡ് മിസ്റ്റർ നായർ ആണ്.
ദേവിയുടെ അച്ഛനും അമ്മയും. അവിടെ ആർക്കും അറിയില്ല ഞാൻ നടി ആണെന്നത്. ഒരിക്കൽ ഒരു സുഹൃത്തിന്റെ ഒപ്പം കടയിലേക്ക് പോയപ്പോൾ ആണ് പുറത്തൊരാൾ എന്നെ പേര് ചൊല്ലി വിളിക്കുന്നത്. അങ്ങനെയാണ് ഞാൻ നടി ആണെന്ന് ആ സുഹൃത്തുപോലും അറിയുന്നത്- ജലജ അനുഭവകഥകൾ ഓരോന്നായി പറയുന്നു. ഇത്രയും വർഷങ്ങൾ കഴിഞ്ഞിട്ടും അമ്മയുടെ കഥാപാത്രങ്ങൾ ഉണ്ടാക്കിയ ഇമ്പാക്ട് ഉണ്ടെന്നു കേൾക്കുന്നതിൽ കുറച്ചൊക്കെ ഫീൽസ് ഉണ്ടായിരുന്നു എന്നാണ് ദേവിക്ക് പറയാനുള്ളത്.
അമ്മയുടെ പടങ്ങൾ ഞാൻ കണ്ടിട്ടുണ്ട്.
എല്ലാ പടങ്ങളും ഞാൻ കാണാറുണ്ട്. ജഗതി അങ്കിൾ ആണ് എന്റെ ഫേവറൈറ്റ് ആക്ടർ - ദേവി പറഞ്ഞു.
സിനിമയിൽ അഭിനയിക്കണം എന്ന് മോൾ പറഞ്ഞപ്പോൾ ആദ്യം എനിക്ക് അഭിപ്രായം ഉണ്ടായിരുന്നില്ല. അഭിനയം എന്ന് പറയുന്നത് ഒരു ലക്ക് ഫാക്ടർ ആണ്. അത് കൂടെ ഉണ്ടെങ്കിൽ നമ്മൾ ശോഭിച്ചു മുൻപോട്ട് പോകും എന്നാണ് ഞാൻ പറഞ്ഞത്.
ശാലിനി എന്റെ കൂട്ടുകാരിയിൽ ഒപ്പം അഭിനയിച്ച ശോഭയുടെ മരണം തീർത്തും ഷോക്കായിരുന്നു എന്നാണ് അഭിമുഖത്തിനിടയിൽ ജലജ പറയുന്നത്.
ഷൂട്ടിന് പോകുന്നതും വരുന്നതുമെല്ലാം ഒന്നിച്ച്. ഷൂട്ടിങ് ഇല്ലാത്തപ്പോൾ ഉള്ള ഷോപ്പിംഗ് വരെയും ഒരുമിച്ചായിരുന്നു. ഇങ്ങനെ ഒരു ബുദ്ധിമുട്ട് ആ കുട്ടിക്ക് ഉണ്ടായിരുന്നു എന്ന് അറിയില്ലായിരുന്നു. ഇത്രയും ടാലന്റഡ് ആയ ആള് മരിക്കുന്നു എന്ന് നമ്മൾക്ക് വിശ്വസിക്കാൻ സാധിക്കില്ല- ജലജ പറഞ്ഞു.
ശാലിനി എന്റെ കൂട്ടുകാരിയിലെ അമ്മുവായും യവനികയിലെ രോഹിണിയായും, ദേശാടനക്കിളി കരയാറില്ല എന്ന ചിത്രത്തിലെ ശാരി ടീച്ചറായുമൊക്കെ പ്രേക്ഷകർ ഹൃദയത്തോട് ചേർത്ത ജലജ ഒരു ഇടവേളയ്ക്ക് ശേഷം ആണ് മലയാള സിനിമയിൽ തിരിച്ചെത്തിയത്.
അമ്മയുടെ പാത പിന്തുടർന്ന് മകൾ ദേവിയും മലയാള സിനിമയിലേക്ക് എത്തിക്കഴിഞ്ഞു.